متن مکالمه عبدالله بن حسن(ع)

 

عبدالله

ای شه کربلا عمو گلدیم

مین غمه مبتلا عمو گلدیم

سسیمه سن وئر ای امام زمان

دردیمه قیل دعوا عمو گلدیم

سینمی اوخلارون قباقینده

قیلماقا آشنا عمو گلدیم

اوشاق اولسا مدا غیرتیم چوخدور

دگلم بی وفا عمو گلدیم

خوش گلدون

یالقوز گوروب سنی بو بیابانه گلمیشم

امدادوه یتیشمگه میدانه گلمیشم

صرف ایلمکده موشتریم نقد عمریمی

بازار مصر یوسف کنعانه گلمیشم

یوز شوق و ذوقیلن قباقینده بو سینمی

والله نشانه قیلماقا پیکانه گلمیشم

عبدالله به شمر

یوخ بیر هوا خاه گل اولما گمراه

ویرما سن الله رحم ایله ظالم

رنگی سولوبدور بی حال اولوبدور

اوغلی ئولوبدور رحم ایله ظالم

عبدالله

الامان ای غمگساریم اللامان

بیر قولوم اولدی سنه قربان پناهیم الامان

قولوی سالدیلا قان چوخ گیدر عمو ئولورم

قولی دوشنده نه زحمت چکوب عموم بیلورم

/ 0 نظر / 474 بازدید